İT auditi – qurumun (təşkilatın) informasiya sistemlərinin, elektron xidmətlərinin, daxili proseslərinin təşkilinin effektivliyinin, təhlükəsizliyinin və müvafiq qaydalara və sahəvi standartlara uyğunluğunun qiymətləndirilməsidir.

Əsas məqsəd qurumun (təşkilatın) İT infrastrukturunun, əməliyyatlarının və məlumatlarının idarə olunması təcrübələrinin müstəqil və obyektiv qiymətləndirilməsini təmin etmək, standartlara uyğun infrastrukturun formalaşdırılmasına dəstək vermək və aidiyyati qurumların yoxlamaları zamanı yüksək nəticələr əldə etməkdir. İT auditi zamanı auditorlarımız təşkilatın İT sistemlərinin müxtəlif aspektlərini, o cümlədən avadanlıq, proqram təminatı, şəbəkələr, məlumatların idarə edilməsi prosedurlarını, girişə nəzarət və İT idarəetmə təcrübələrini araşdırıb, çatışmazlıqları müəyyən edir və müvafiq tədbirlərin görülməsi üçün təkliflər təqdim edirlər.